Sunday, March 9, 2014

قوم عيّد

عيد بيهل والفرح فى عز شبابه بيقل
ورغم عموم الهموم تتجرأ وتطل

من سواد الحداد فرحة خضارعيدان الفل
وحبل الوداد لافف على اهل البلاد
نفر نفر والحب يرفع أبداَ لم بيذل
عيد بيمر والشعب روحه بيضحى
الحلو بيمر و ألم الدبح بيصحى
ضماير وعقول وعزايم
اصحى يا نايم
بحَّر و قبِّل فى نفوس البشر
شرَّق وغرَّب ومن قلبك حاول تقرب
وشوف جنبك خلق ياما
كله طالع من بيته تقول قامت قيامة
ناس مسيحية وناس ملتحية
وعيال عفاريت غاويين تنطيط
وبنات سنها ضاحك لكن مستحية
قوم ع المراية واضحَك لنَفْسك
ياخى مرة من نِفْسك
قوم عيّد ده الكل يصحى ظالم ويبات ضحية

Tuesday, June 18, 2013

عناقيد

وشفاة من ثغر اخناتون ، وقعت فى حبائلها ابتسامة

Friday, May 3, 2013

ام

ماوراء الطيف
فى عينيك الوان ماوراء الطيف ..لا تراها عين مجردة .. بل عين عشق مسهدة ..تراها روح بالشوق مجهدة ..بالتوق مسترقة ..فيا قلوب الذرات والمجرات والجنون الانسانى
قدسى للحب فى كل دقة

Wednesday, April 10, 2013

غلبان

كل بلد فيه غالب و مغلوب..

الا انتى اللى فيكى غالب وغلبان..

 فيكى قاهرة زاهية منورة ..

و فيكى قهرة رضا بالمقسوم..

زفرة مظلوم..

و امتى يا مصرى تهم و تقوم؟

 و امتى يا خلْق يؤون الأوان؟

Monday, November 26, 2012

اثبات حالة

 
كل مصرى له فى بنا الهرم يد ..
كل مصرى وارث شقاه ونصيبه ف المجد ..
كل مصرى شباب او جدة او جد ..
مسجل حضوره فى دفتر بكره ومش هيسيبه لحد

Tuesday, October 23, 2012

كارت معايدة

أول هام تحية وسلام عطره ماوردى و تانى هام اسمع ياسيدى اصل الكلام هنا من عندى خلى اليوم الصعب يعدى و خلى اللحظة الحلوة تهدى ونادم على اخواتها يحاوطوك و تنسعد من بدرى يا ساكن أيام عمرك لونها لون وردى ارمى الضحكة ترن فى وش الحزن تحدى وخد منى ود وشوق و تعال هات خدك على خدى

Thursday, January 12, 2012

العشق

من العشق ما استحال صبراً

ومنه ما استحال جنوناً
و أجمل العشق ما صار غصناً زيتونا