الحجاب الحجاب لنخلي عيشتكو هباب

حرية الفكر دي هدف مسافات طويلة ، احنا مش أحرار في أي حاجة ،حتى في اللبس،
دلوقت أى واحدة مش محجبة الناس تفتكرها مسيحية- مع إن" الستات الكفار" في الجزيرة العربية قبل الإسلام كانوا لابسين الخمار...! يعني الخمار اساساً لبس غير إسلامي!!!
ولا إحنا أحرار في اختيار شغلانة نحبها، ده لو في شغل من أصله.
الحكومة فاصلة الكهربا عن دماغاتنا ، لمض التفكير مطفية ويا ريت ماتكونش اتحرقت

العولمة

عولمة مجرمة ماشية مكسمة
ملفوفة بجينز
وسطالستات حرمة بشنبات
والحنية حنية وز
بتبيع كوافيل ونياب الفيل
جواها يا جميل مفاتيح آل إيه
مرسيدس بنز

تيجي ع الغلبان تديله لبان
محتاج فيتامين حاله عدمان

توعده ببيوت مرجان و ياقوت
بس اشتري ريشة كتكوت
بتلاتة سحتوت
إلحق إلحق للفرصة تفوت
 ويا الريشة طلبين و حجاب
ده حجاب من شر العين و الغين
و طلب نملاه للي بوشين
الوش الأول يطلع بوش
و الوش التاني تلاقيه شين
عولمة مؤلمة أوضة مضلمة
و الناس فيها نازلين تلطيش
معاهم سكاكين و بلط و حشيش
دخانه طالع شموه ومفيش
حد شايف حد استر يا لطيف
و الدم يسيل يملا براميل
براميل بترول و الست تشيل
اسمها سامية و الدول النامية
بالنسبة لها مم و فيتامين
تفطر أفغان تتغدى عراق
و الدور على مين؟ و ده عمها سام
جنتل و همام مش بس كلام
دخل الاوضة الضلمة معاه
سلاح أشكال و الوان واداه
للسكان ده أحد رشاش
وده خد غاز سام من أنكل سام

طفي النور ووقف من بره
و دار الضرب يا ناس تاني مرة
دغدغوا بعض و كسروا الحيطة
و دول مساطيل و عاملين زيطة
طلعوا بره الأوضة الضلمة
و سلاحهم وياهم لمة
سامية و سام برقوا بلموا و نهارهم طين
مساطيل حطوا ف ايدها سلاح
طلعوا للنور
كشفوا الملعوب
و مفيشي هروب
عزة مطر
يناير2006

رسالة في زجاجة

هذه رسالةفي زجاجة من أثير ألقيها في المحيط المتناهي الكبر المتناهي الصغر،

أما بعد، إن مصرنا بلد مبتلى بأهله و حاكميه،وبالنظر إلى كيان الحكم نراه كياناً قد تهرأت
مكوناته و تحللت مؤسساته ، فضلاً عن فقدانه الشرعية و القبول الشعبي منذ سنوات .
وكلما وهنت أجهزة الحكم وزاد ارتخاء قبضتها ، زاد جهاز الأمن قوة واستعداداً واستعلاءً و للشعب المصري عداءً.
فصار البلد ثوباً مهلهلاُ يرتديه فارس من حديد، كلما استدار يمنة أو يسرة أو قام أو قعد ازداد الثوب تخلقاً وعلا صوت تمزق النسيج.
نقرأ في كتب التاريخ عن عصور الفوضى و ضعف الحكم وازدياد أعمال السلب و النهب و تفشي الأوبئة وضياع الحقوق ، أليس هذا ما نحن فيه ؟
و تسيطر على كياني فكرة حتمية وجود رجال أولي عزمٍ لتولي شئون الحكم، حيث أن النظام الحالي
أسس بنيانه على جرف هار يوشك أن ينهار بالمصريين جميعاً.
و النظام الحاكم بفنقد إلى النظام و التخطيط في كافة الشئون، إلا أنه و بكفاءة يشهد له بها نجح في تنفيذ خطة دؤوبة لوأد المواهب واجتثاث الرءوس المفكرة وإهالة تراب الروتين على الأفكارالنيرة و الحلول الناجعة.
وإنني- بصفتي خلية في الجسد السقيم- أدعو إلى تكوين لجان مستقلة يثق فيها أصحاب البلد ليتقدموا إليها لكتابة وتوقيع تفويضات لرجال مصلحون قادرون على جر القاطرة المعطوبة و انتشال السفينة الغارقة. وقد نشر في عدد1/11/2006 من أعداد الدستور ملف عن شخصيات عامة لها قبول فلنبدأ بها وسوف يتوالى ظهور رجال قلوبهم على قلب رجل واحد و إن اخثلفت مشاربهم و مذاهبهم.
ولكم جزيل الشكر،،

التحرش الجنسي بعيدا عن الأديان

التحرش عموماً ينتج عن إحساس بالتفوق الذات ودونية الآخر، ومن ثم الإحساس في في استحلال خصوصية الآخر و سلبه مقومات وجوده ، من رزق أو كرامة .
و الرجل يتحرش بالرجل الأضعف ، و أمريكا تتحرش بالدول كافة بصورة أو بأخرى.والرجل يتحرش بالأنثى في مجتمعات مختلفة ذات أديان مختلفة،لأن المسألة ببساطة إحساسه بأن تفوقه العضلي يعطيه الحق في التمتع بالأنثى أينما و حيثما و كيفما يريد، حتى وإن تعذبت تلك الأنثى ، و كلما زاد ألمها زاد إحساسه الزائف بالتفوق و زاد في غيه و زاد ت المساحة المظلمة في وجدانه و الوجدان الجمعي للرجال ،عفواً الذكور.

أنا "صنع في لاظوغلي" لأنني ولدت في عمارة في ميدان لاظوغلي، يعني فتحت عيني يا عيني على الوزارة الداخلية و أمن الدولة
و بعد الزواج و الأولاد و الذي منه، كل حاجة في حياتي اتغيرت ،كبرت و تخنت و قربت أعجز، ولسه شبابيك بيتنا تفتح على الوزارة الداخلية. وعلى فكرة الوزارة كمان اتغيرت كبرت واتدورت ووسعت عن الأول كتير . وأصبح أي حد بيشتغل في الوزارة و لو من بعيد يقدر يثبت أي واحد وأي عربية في شارع نوبار أوشارع الشيخ ريحان أو شارع منصور . وليه، يثبت التلات شوارع سوا لو الوزير الداخلي رايح الشغل أو الوزير الداخلي خارج م الشغل أو أيها لواعـــ فايت بالعافية أو سواق سيادة اللواعــ رايح يجيب فول أو كشري للبهوات بعربية الشرطة