صنـع فـي لاظوغلي

أنا "صنع في لاظوغلي" لأنني ولدت في عمارة في ميدان لاظوغلي، يعني فتحت عيني يا عيني على الوزارة الداخلية و أمن الدولة
و بعد الزواج و الأولاد و الذي منه، كل حاجة في حياتي اتغيرت ،كبرت و تخنت و قربت أعجز، ولسه شبابيك بيتنا تفتح على الوزارة الداخلية. وعلى فكرة الوزارة كمان اتغيرت كبرت واتدورت ووسعت عن الأول كتير . وأصبح أي حد بيشتغل في الوزارة و لو من بعيد يقدر يثبت أي واحد وأي عربية في شارع نوبار أوشارع الشيخ ريحان أو شارع منصور . وليه، يثبت التلات شوارع سوا لو الوزير الداخلي رايح الشغل أو الوزير الداخلي خارج م الشغل أو أيها لواعـــ فايت بالعافية أو سواق سيادة اللواعــ رايح يجيب فول أو كشري للبهوات بعربية الشرطة