صنـع فـي لاظوغلي

طلب مقدم لشيخ العرب

تحية طيبة وبعد

مجدمه لكم طلب من أصل وصورتين

الأصل موجود في الفيوم وجنا والبدرشين
ع الحجر في المعبد تلاجي النجش
و صورتي جِدامك ع الورج
حجج زين

تلاجي ذات نفس الوش

ده عن الأصل أما الصورتين

أجدم لك نفسي
أنا عبد الله
جبطي فلاح م الوادي
وده أخويا عبد الله
فلاح مسلم ويبجى عم ولادي

طلب الحصول على الجنسية المصرية
بالأجدمية

وسنين ياما في الخدمة العسكرية

عايزين دار وسجرة مروية
وعيالنا تجري حوالينا
نظيفة وعفية

واللي يحبنا يا شيخ العرب
ما يُضرُبش عاد نار
الطخ فينا عداوة يا بوي
و النار عن تجيب التار

و في الختام نحيطكم علماً إن ده ماهو طلب
ده حج وجب
وف حالة التأجيل نخطركم آسفين

بإنــــــذار علـى يــــد شــــعب

راح ياخد مصريته ..دينه و دنيته
بالذوج أو بالغصب