صنـع فـي لاظوغلي

سؤالات

عايزة أكتب عن حاجات بسيطة
عاللي كتب اسمه عالحيطة
واللي اسمه انكتب عالخريطة

عايزة أكتب عن حاجات مهولة
عن الإيدز و الإيبولا
وصندوق النقد و السيولة
ونزلة الفراخ
العقل من كتر الفكر داخ

عايزة أكتب عن ميدان فسيح
فيه كنيسة لعمرو وجامع للمسيح
وف قلب دول معبد لليهود
اللي نقضوا العهود
و عملوا الليكود


عايزة أكتب عن لعبة الفلوس
عن قلب تفرمه التروس
وشعب ملايين نمل و ناموس
تبيده مجاعة أو حرب ضروس
ملايين النفوس
تلعن و تلعن
واحد مهووس
لابس طاووس
حلمه العرش و الجلوس
على تل جماجم و يدوس
أحــــــــــلام و نفـــــوس

عايزة أكتب عن حاجات قديمة
حاجات مالهش تمن و لها قيمة
وواحد يتاجر ف النية السليمة
وازنها بالجرام وبمنتهي الإجرام
إجــــراءاته سليـــــمة

عايزة أحكي عن مكان جميل
مش لازم يكون ع النيل
و لا فيه شمس أصيل
ده مكان ف قلب نضيف
مكان ف جسم عفيف

عايزة أسال عن العروبة
هو يعني إيه عروبة
ناس على أمرها مغلوبة
جبل ما نلموا الحطبات
لزماً موافجة أوروبا الأروبة
بكره نحجـــو ف رمضان
ونصيفوا ف عز طوبة
ياخدوا منينا الحطبات
و البترول ده و الزراعات
وجبل مانعدوا الريالات
ف بنوكهم ياجوا يلموها

عايزة أقول لابويا
يابامش عايزة مهري
ولافستان وردي ولازهري
يسووا إيه في بلوتي وقهري
لما جروني و قالوا ياعروسة إطاهري