صنـع فـي لاظوغلي

الممــــاليــــــك

العسكر ديه

دول انكشارية

يعني يأشر وهو مكشر

على اسمك باللون الأحمر
مماليك جوية

مماليك حانوتية
حدادي و غربان

نهشوا الغلبان
ريشه منتوف

بجوعه ملفوف
لابس جلابية

دمور على خوف
وطبق طبقهم

علــــى طبقنــــــا
لهفــوا الإدام

و العيش ما خلوا
عايشينا صيام

حالـــو يا حالـــو
ده سلو بلدنا

أزمــــة وطوارئ
وإن قلنا كفاية

تهوى المطارق

وإن قلنا كرامة

يللا السلامــة
ده رصاصنا اقلام

وورق وكلام
ورصاصهم حي

يا قتلى يا أيتام