صنـع فـي لاظوغلي

الميكروباص
هينا مقص وهينا مقص
واحنا جوه الميكروباص
كل مطب نقول يارب
على إيدك ياسطى
قبل المحطة

في كل طلعة شمس
ولسه تعب الامس
لامس كتافه لمس
يقوم من بدري لاسطى
يحمل كل دور
آلاف من الجمهور
من طنطا للأسعاف
لبولاق الدكرور
يقف ولا يخاف
ويبرجل المرور

شقلباظ على شقلباظ
واحنا جوه الميكروباظ
عايزينه ومش عايزينه
ولازمنا ومش حابينه

ف الشارع يعدل و يكسر
وتعاتبه يروح مكشر
يحدف يمين يركن شمال
وازاي تفوت..ستين محال

ده مولد ده ولا مواصلات
مدآآآآد... ودي المراجيح راكبة كاوتشات
وآدي الشارع سيرك وحركات
وحاوريني ياكيكة والتعلب فات
على نور قلاب وإدي كلاكسات
باردون يا جماعة ده التعلب مات