صنـع فـي لاظوغلي

صهيوني

صهيوني صهين عن أي حقوق
حقه يحقق مع اي واحد خاض
في سيرته أو قال فيه ما يسوء
ويكل ضعف و لؤم وقلة ذوق
يحفر الحفرة من تحت لتحت
و يبص على كل الناس من فوق

صهيوني واقف في صف الغلابة
أكتر من أخ ويشهد معاهم ف النيابة
وتو ما عرف لغاهم وسلوهم يابا
يقرص مواجعهم و يسيبهم
حايرين تحت سما عريانة
لاشمس فيها ولا سحابة

صهيوني عايش ف وسطينا
صهيوني عايز فلسطينا
صاحي و الفرصة بالنسبة له حياة
يسحب الحبل ويجيب منتهاه
يشنق ولا يخنق ..
دول مش ضحاياه
دي عناصر شريرة قاصداه
وكان بيدافع ويصد
ماكنش قصده يقتل حد
حد يعوم ف النهر عكس مجراه