صنـع فـي لاظوغلي

كله بشبابه


صغير و ف عز شبابي

ناجح و مخلص دبلوم
بادور على شغل مع صحابي

وارجع آخر اليوم مهموم
محدش محتاج لجنابي

وامبارح عدى زى اليوم
و يوم ورا يوم يزيد في عذابي

معاييش أصرف عايش مأزوم
ف الجامع جاني الأخ عرابي

الشكوى لغير الله مالهاش لزوم

خدني ووداني للأخوة

ف مكان مهول زى البدروم
أدوني سلاح وفلوس

وبدل هدومي ادوني هدوم
كلمت أمي وقلتلها

لقيت وظيفة ف الفيوم
مسكت سلاح و ضربت النار

وحلمت ف يوم آخد بالتار
م الكافرين أعداء الله

اللي اشتروا بالدين الدنيا
على وسطي ربطوا حزام ناسف

حيقتل الكفرة الغافلين
واسيب الظلم وابقى شهيد

دمه مسك ورياحين

صغير و ف عز شبابي

بيقولوا عليا الإرهابي
واللقطة في الفيديو ياصحابي
متصور وبقول ف وصية

لأمي متعيطش عليا
وباوصي الأخوة يحطوني

ف قبري لما...على يميني

افرحي والبسي ابيض يامه

واقفلي كفك ع الحنة
معايا م الملايكة اتنين

شايليني شيل ع الجنة