صنـع فـي لاظوغلي

أوقـــــاف

متخصص في الخصخصة
أستاذ كرسي القصقصة
بيقصقص طيره
ليكتر خيره
و يروح لغيره

يقص الغنا م المواويل
و الضي م القناديل
واللي فضل م الغنا أنة و عويل
واللي فضل م الضي سواد الليل

و عروسة النيل
فصقصوا توبها
بقى هلاهيل
و جرحوا كعوبها
وجردوها
م الحنة و الخلاخيل

قصقصوا توبها
بقى قميص كتاف
باعوا الأرض مباني
و هى أصلاً أوقاف

مصر وقف للمصريين
و الطماعين ما يملا عينهم
إلا التراب و الطين