صنـع فـي لاظوغلي

الأراجوز
لو الأراجوز ريس مراكبي
بايديه الجوز يجري ويحبي
ورجله ماسكة الدفة
تاخدها مليون لفة
تدور المركب ف الهوا
ترسم ع المية غوايش
تقلب دوامات النيل
تبقى ضهر ف عز الليل
ويهز الشراع على واحدة و نص
رقصت عرايس النيل
غنت محلاك يا جميل
بص الأراجوز وغازلهم
جوه المية منازلهم
وسمـــع مـــــــــواويل
على ناى مسحور
وقانون مجنون
قلبه اتخطف
قال أنازلهم
ف الرقص والغنا
أنا الأراجوز أنا
ولمين تسيب الدفة
ولم حبل الشراع
نط بشوق وخفة
وف قلب الموج ضاع